التزاوج والحمل والولاده عندا الكلاب

احب النهارده انى اشرح موضوع مهم جدا
انا عارف انه اتشرح كتير بس النهارده
هنشرحه بالتفصيل الى يخلينا نعيش مع الموضوع

هنقسم الموضوع لثلاثه فقرات مهمه اول فقره هى التزاوج وتانى فقره هى
الحمل وثالث فقره هى الولاده (اليوم المنتظر)

******************* التزاوج********************

سن الكلبه ....... لا يجب ان يقل سن الكلبه عن سنه ولا يجب ان يذيد
عن 5 سنوات يعنى المفروض نسيب الدوره الاولى بدون تزاوج ويتم
التزاوج فى الدوره الثانيه لان فى الزواج قبل السنه من الممكن ان تؤثر
على صحه الكلب ونمو الكلب الداخلى ويؤثر على العظام
وبعد الخمس سنوات من الممكن ان يؤدى التزاوج الى موت الكلبه

سن الكلب........يتم التزاوج للكلب من سن 9 شهور حتى لايؤثر
على صحته ايضا

موعد التزاوج.......التزاوج يكون فى منتصف الدوره للانثى يعنى
5 او 6 ايام من بدايه ظهور الدم للانثى
واذا كانت المره الاولى للانثى فى التزاوج يتم التزاوج فى يوم واحد
فقط وتكون مده الاتصال بين الذكر والانثى من 10 دقائق الى نصف ساعه
واذا كانت المره الثانيه او الثالثه او........ للتزاوج للانثى يتم التزاوج فى ثلاثه
ايام يكون التزاوج فى اليوم الاول وترك اليوم الثانى واليوم الثالث
وترك الرابع والتزاوج فى الخامس ومده التزاوج من 10 دقائق الى نصف ساعه


******************* الحمل ******************


مده الحمل .........تتراوح مده الحمل بين 60 يوم الى 65 يوم

قبل مانتكلم عن فتره الحمل هنتكلم عن علامات الحمل
لان كتير مننا بيبقى مش متأكد ان كلبته حامل ولا لا

*** علامات الحمل****


1 - انتفاخ بطن الانثى بدون اكل لان اكتر الكلاب لما بتاكل كتير
بيبان على بطنها لانتفاخ ده طبعا فى الاسبوع الاول الى بيكون
فيه الانتفاخ قليل مش كتير ذى الايام الاخيره من الولاده

2- احمرار حلمات ثدى الانثى وكبر حجمها

3- قله النشاط والاكل الكتير وعم القفظ او الهوهوه الكتير

4 - النقطه ديه انا بحبها جدا وبتحس فيها بشعور جميل وهى
حركه الجراوى داخل البطن وديه بتبقى فى الاسبوع الاخير
ولو حطيط ايدك بس طبعا براحه جدا على بطنها هتحس بحركه
الجراوى
*** ايام الحمل***


الايام ديه هنهتم بيها جدا بالانثى واكلها وهنهتم بالبيض واللبن
واللحوم وهنزود عدد وجبات الاكل وهنكسر اى نظام كان معمول
والكلبه تاكل اكتر من العادى
وهناخد بالنا من الانثى ومن بطنها يعنى منقربش من بطنها
او نخبطها فيها

*** التجهيزات للولاده***

نقوم بالتجهيز للولاده فى اليوم 55 من الجمل
كرتونه كبيره تكفى الكلبه والجراوى ويوضع بداخلها
قطع قماش كثيره بحيث تكون الكرتونه من الداخل
مبطنه بالقماش

************* الولاده (اليوم المنتظر)******************


ستجد الانثى تصدر اصوات غريبه كالصويت وستظل هكذا يوم او يومين
وهذا ما نسميه عند الانسان بالطلق
تفقد الانثى شهيتها ومن الممكن الا تاكل الانثى لمده اليومين
وتظل تشرب ماء فقط
وفى هذا الوقت تاخذ الانثى الى مكان الولاده ووضعها بها
ملحوظه ... يجب ان تكون بمفردك مع الكلبه ولا يتواجد معك احد
حتى تشعر الكلبه بالطمانينه


*** علامات الولاده***

من علامات الولاده خروج سائل لزج من فتحه المهبل للانثى
ومن الممكن عدم الملاحظه فى وجوده او عدم نزوله

*** الولاده***

سنجد انبساط وانقباض فى بطن الانثى ثم يبدأ الجر الاول
فى النزول وسينزل فى كيس جنينى متصل بالام
ستقوم الانثى من تلقاء نفسها بلحس الكيس الجنينى
حتى يتم ازالته نهائيا وخروج الجرو منه وستقطع الام
بنفسها الحبل السرى
ملحوظه.... لو المره الاولى للانثى من الممكن ان تنبح الام
على صغيرها الاول وكل ما عليك هو ان تحسس على الام
وتطبطب عليها وتضعها بجانبه حتى تطمأن

بعد نزول الجرو الاول تظل الانثى فتره مابين ساعه الى ساعه ونص
على نزول الجرو الثانى وتقل الفتره بعد ذلك الى ربع او تلت ساعه
على نزول الجرو الثالث
ملحوظه مهمه ...من الممكن ان ينزل جرو ميتا لا تنزعر حتى لا تسبب
القلق للكلبه
*** ما بعد الولاده***

الانثى ترجع لطبيعتها وتكون هادئه جدا ستقوم باعطائها وجبه من الاكل
بعد الولاده بنصف ساعه وستكون الوجبه بها لبن مخفف بالماء
واذا كانت الولاده بليل يبقى هتصحى الصبح بدرى جدا علشان تقدملها
وجبه تانيه لانها اكيد هتكون جعانه
الوجبه ممكن تكون كبده مسلوقه طبعا بدمها وهى مفيده جدا جدا ليها
وطبعا كل وجبه هتكون فيها لبن علشان الرضاعه
ملحوظه...... ستجد الانثى غير نظيفه من عمليه الولاده فيجب عدم
الحمى لمده اسبوع كامل ويمكن تنظيفها بمناديل مبلله بتاعت الاطفال
( ويبس)

ملحوظه.....يجب مسح صدر الكلبه باستمرار حتى لا يتكون الميكروبات
على صدر الانثى وينتقل للجراوى اثناء الرضاعه